Depósito den un espasio pa depósito temporal (RTO)

E depósito di merkansia den un RTO generalmente tin ke ber ku un interupshon kòrtiku den e transporte di merkansia di e remitente pa e destinatario.

Ehèmpel: ta transportá merkansia pa Boneiru, Saba òf Sint Eustatius. Despues di saka e karga for di e barku òf avion ainda no ta kla mesora kua destinashon di duana e merkansia lo haña òf ainda no ta tur dato ta disponibel pa hasi un deklarashon pa un destinashon di duana. E ora ei por depositá e merkansia den un RTO. Generalmente e gerente di un RTO ta un agente di nabegashon òf aviashon.

E siguiente kondishonnan ta na vigor pa maneho di un RTO

mester papia di sufisiente nesesidat ekonómiko;
e inspektor di B/CN a aprobá e espasio òf e tereno i a otorgá un pèrmit pa maneho;
e gerente a paga un bòrg kontinuo pa e merkansia depositá.

Deklarashon pa klar en

Ku e akta otorgá huntu ku e Deklarashon pa klar en por depositá merkansia di klar en (lenk pa e proseso di klar en) temporalmente den un RTO. Tambe por warda merkansia depositá temporalmente den un –otro- RTO ku un lichtermanifest (lista di produkto transportá ku un boto plat for di barku pa tera).

E siguiente kondishonnan ta na vigor ora di depósito di merkansia ku a klar en den un RTO:

e gerente di e RTO a tuma over e responsabilidat pa impuesto di importashon ku posiblemente ta debe;
e depositashon i despacho di merkansia ta suheto na supervishon di Duana (pèrmit);
denter di un término di 21 dia despues di entrega di e Deklarashon pa klar en, e merkansia ta haña un destinashon di duana. A inkluí e destinashonnan den artíkulo 2.15-1 DABES i riba e website aki ta sigui splika nan mas aleu. Den situashonnan spesial e inspektor por ekstendé e término di depósito te ku un máksimo di 30 dia.

Tratamentu di merkansia depositá den un RTO

Merkansia den un depósito temporal solamente por risibí tratamentu ku ta nesesario pa mantené e merkansia aki den estado igual. Pues e tratamentu no por kambia nan presentashon òf nan karakterístikanan tékniko. E tratamentunan por tuma lugá solamente ku pèrmit i bou di supervishon di e inspektor. E inspektor ta determiná e tratamentunan ku ta pèrmití.

Depósito di otro merkansia den un RTO

Por depositá merkansia den un RTO en espera di kargamentu den e medio di transporte ku ta sali. E ora ei ta trata di merkansia di kua a indiká ku ta bai eksportá nan òf pasa nan den tránsito. Den esaki mester kumpli ku e kondishonnan redaktá pa e inspektor. E dokumento di eksportashon/tránsito ta konta pa dokumento di depósito.