Depósito den un depósito di komèrsio i servisio (HDE)
E depósito di merkansia den un HDE ta hopi diferente for di depósito di merkansia den un RTO òf depósito di duana. Esaki ta konta espesialmente pa e punto di aktividatnan pèrmití den un HDE í e kondishonnan ku ta na vigor pa haña pèrmit pa drenta komo usuario di un HDE. Pa e motibu ei ta deskribí e HDE den un parti separá.
Depósito di komèrsio i servisio (HDE)
Un HDE ta un tereno ku a asigná, kaminda personanan hurídiko ku tin pèrmit por depositá merkansia ku no ta riba e merkado liber di Hulanda Karibense. E depósito i suministro di servisio ku ta tuma lugá den òf for di un HDE no por ta dirigí riba Boneiru, Saba, i Sint Eustatius (islanan BES).
Ku esaki e ta un di e posibilidatnan pa depositá merkansia ku ta bou di supervishon di duana, sin paga impuesto di importashon.