Fuera di su tarea fiskal Duana Hulanda Karibense tin komo tarea pa protegá sosiedat di merkansia ku por menasá seguridat i salú di hende, animal, i flora. Den esaki pensa por ehèmpel na importashon di belèg di karni no di kùr, ‘remedi’ no pèrmití, arma òf droga. Esaki ta trata di e tarea no fiskal di e Duana.
Den e tarea aki hopi bia e Duana ta traha huntu ku otro servisionan. Asina Duana lo para bienes na frontera ora no ta kompletamente probá ku e instansha di kùrmentu konserní di Hulanda Karibense ta di akuerdo ku e importashon.
Areglo internashonal
E base di e tarea aki por ta internashonal òf interregional. E Convention on International Trade in Endangered Species of Wild Fauna and Flora (konvenshon pa protekshon di bestia i mata ku ta na menasá; tratado CITES) ta un ehèmpel di un areglo internashonal na kua Hulanda i tambe Hulanda Karibense a uni nan mes.
E stipulashonnan den kua e prohibishon, òf e limitashonnan pa ku importashon, eksportashon i traspaso di e merkansia ei ta inkluí den un kantidat di legislashon apart.
Tur legislashon huntu
E totalidat di e legislashon aki ta denominá komo e stipulashonnan VGEM. Den esei VGEM ta para pa:
- V = Veiligheid (Seguridat)
- G = Gezondheid (Salubridat)
- E = Economie (Ekonomia)
- M = Milieu (Medio ambiente)
Stipulashonnan kontinuo i temporal
Mayoria di e stipulashonnan VGEM tin un karakter kontinuo, struktural. Pero tin bia un stipulashon VGEM tin un karakter temporal. Den esaki bo por pensa na un epidemia ku por plama pa medio di sierto merkansia. Ora un situashon asina tuma lugá lo informá bo via e parti aktual tokante e medidanan temporal.