Hulandes ku ta biba den eksterior por pidi un DigiD na www.digid.nl i e ora ei mester buska nan kódigo di aktivashon na un di e balinan di e DigiD. For di 10 di aprel 2019 ta posibel pa buska un kódigo di aktivashon na bali di Ofisina di Impuesto/CN na Boneiru.
Kiko ta DigiD i kiko mi por hasi kuné?
Ku bo DigiD bo por legitimá bo mes riba internet, bo por log in entre otro riba website di gobiernu hulandes, Mijn DUO (finansiamentu di estudio) i fondonan di penshun. Por ehempel pa asuntu di impuesto na Hulanda Oropeo. Ku un DigiD, èks studiante por keda na altura di nan debe di estudio serka DUO, kambia informashon online i wak e post digital di DUO .
Mi tambe por pidi un DigiD?
Pa hasi petishon pa un DigiD for di Boneiru, bo mester kumpli ku algun kondishon:
- bo ta biba pafó di Hulanda, i bo no ta registrá na Hulanda Oropeo; bo tin nashonalidat hulandes;
- bo tin un pasaporte hulandes válido òf un karchi di identifikashon hulandes;
- bo tin un Burgerservicenummer (BSN, number personal pa usa den kontakto ku gobièrnu);
- bo tin un telefòn mobil ku kua bo por risibí sms tantu pafó komo na Hulanda;
- bo tin un e-mailadres.
Mi ke pidi un DigiD
Pidi bo DigiD via www.digid.nl. Ora di hasi e petishon, skohe pa "Mi ta biba pafó di Hulanda". Paga tinu! Kòrda bo nòmber di usuario i bo kòntersein bon. Despues di hasi e petishon bo ta risibí un kódigo di bali. Despues bo ta traha un afsprak ku Ofisina di Impuesto/CN pa buska bo kódigo di aktivashon di bo DigiD.
Kódigo di aktivashon pa DigiD
Si bo ke buska bo kódigo di aktivashon pa DigiD, e ora ei pasa na bali òf hasi e petishon via di e email di bali Balie@belastingdienst-cn.nl. Esaki por for di djaluna te ku djabièrnè. Trese e kódigo di bali i bo pasport òf karchi di identifikashon hulandes ora bo ta bishitá Belastingdienst. Bo ta risbí e kódigo di aktivashon for di nos, ku kua bo por terminá e proseso di petishon riba digid.nl. Paga tinu: bo mester buska bo kódigo di aktivashon personalmente.
Mas informashon?
Bo ke sa mas tokante di hasi petishon pa un DigiD pafó di Hulanda Oropeo? Wak riba e website di DigiD.