Establesé HDE

Ad a. E desishon pa instituí un HDE

Ora di un desishon pa instituí un HDE ta tuma e siguiente pasonan:

• Bo mester entregá un petishon pa instituí un HDE serka e Direktor di Ofisina di Impuesto Hulanda Karibense. Den esei bo ta indiká e tereno ku ta trata di dje i kua aktividatnan ekonómiko bo ta premirá;
• E Direktor ta konsultá ku gobernashon di e isla en kestion;
• Ta presentá e petishon i reakshon di e gobièrnu insular na e Minister di Finansa ku ta tuma un desishon;
• Si disidí pa pasa pa institushon di un HDE, den e desishon tambe lo stipulá ken ta enkargá ku e maneho i e eksplotashon di e HDE;
• Den un anekso di e areglo di implementashon Douane- en accijnswet BES (Lei di Duana i Akseins BES) lo definí e tereno di e HDE.

Ad b. E atmishon di un persona hurídiko na un HDE

Na un HDE únikamente ta pèrmití persona hurídiko. Huntu ku e pèrmit aki ta konta kondishonnan estrikto riba e tereno di kontribushon di un aporte ekonómiko na e isla en kestion. Mester kumpli ku eksigensianan relashoná ku:

• invershon;
• sifra di benta;
• dunamentu di trabou.

Ora di pèrmití un persona hurídiko, e siguiente pasonan ta apliká:

• bo ta entregá un petishon pa atmishon por eskrito serka e Direktor di Ofisina di Impuesto Hulanda Karibense;
• e Direktor ta investigá si ta kumpli ku e kondishonnan di atmishon i ta disidí pa medio di un disposishon riba e petishon.