Aktividatnan den un HDE
Fuera di depósito ‘normal’, merkansia den un HDE por pasa den diferente tratamentu ku ta nesesario pa komèrsio internashonal. Ehèmpelnan di tratamentu na merkansia ta: adaptá, prosesá, monta, paketá, i ekshibí. E kondishon ta ku Duana Hulanda Karibense por sigui e tratamentunan aki den su atministrashon. Asina e ta tene un bista general di e merkansia ku a stòk, despachá, i depositá.
Fuera di e depósito i servisionan ku a menshoná promé ku esaki, otro aktividat tambe por tuma lugá den un HDE. E ora ei ta trata di ponementu den esfera internashonal:
- aktividat komersial;
- aktividat ku ta sostené komèrsio;
- otro aktividat di duna servisio.
ku por hasi ku òf pa e posibilidatnan di komunikashon i informashon elektróniko.
Paga tinu: e siguiente servisionan no ta kai bou di esaki:
- servisio finansiero;
- pagonan di royalty;
- aktividatnan di seguro i reaseguro.
Bo por konsultá artíkulo 5.2 di e Douane en Accijnswet BES (Lei di Duana i Akseins BES) pa un deskripshon presis di e servisionan pèrmití den un HDE. E servisionan aki a base di Belastingwet BES (Lei di Impuesto BES) ta eksonerá di kobransa di ABB.