Miembro di famia/konosí a manda merkansia

Importashon di merkansia

Ora un miembro di famia òf un konosí manda merkansia pa un otro miembro di famia òf un konosí ku ta biba na un di e teritorionan insular di Boneiru, Saba, òf Sint Eustatius, importashon di merkansia ta tuma lugá. Riba importashon di merkansia en prinsipio mester paga ABB (algemene bestedingsbelasting) i tin bia akseins tambe.

Aki ta konta ku por importá un kantidat limitá di merkansia ku dispensashon di ABB.

Dispensashon pa merkansia ku persona privá ta manda pa persona privá

Merkansia ku ta manda por ehèmpel komo karta postal òf pakete postal /pakete ku servisio di mensaheria.

Tin dispensashon di ABB ora balor di e merkansia (inkluso flete /gastu di frankeo no ta mas haltu ku 70 USD.
Den esei ta konta pa produkto alkohóliko, tabako i produkto di tabako e kantidatnan menshoná aki bou:

• 50 sigaria òf
• 25 cigarillo òf
• 10 sigá òf
• 50 gram di tabaku di foya (rooktabak),
• plùs 1 liter di bibida destilá òf bibida ku ta kontené alkohòl ku un nivel di alkohòl di más ku 22% vol. òf
• 1 liter di bibida destilá òf bibida ku ta kontené sea alkohòl, sea biña spumante òf likùr, ku un nivel di alkohòl di más ku 22% vol òf más abou
• 2 liter di biña no spumante.

Aki tambe tin algun kondishon na vigor:

• e mandamentu di merkansia ta algu insidental (ta pasa tin biaha);
• e ta konta únikamente pa merkansia personal;

• e destinatario no ta paga e remitente pa manda e merkansia.

Kiko ta pasa ora no ta posibel pa importá e merkansia aki ku dispensashon di ABB?

Pòsterei òf e kompania di servisio di mensaheria ku ta risibí e merkansia ta sòru pa entregá un deklarashon serka Duana kaminda e pago di e ABB ta tuma lugá. E ABB ta suma:

• 6% ora di importashon di merkansia na Saba i Sint Eustatius;
• 8% ora di importashon di merkansia na Boneiru.

Ta kalkulá e ABB a base di e balor di duana di e merkansia. Esaki ta e preis di e merkansia, plùs tur gastu, manera flete i gastu di frankeo, te na e teritorio insular di destinashon.

Despues e kompania di servisio di mensaheria lo kobra bo e ABB.

• 6% ora di importashon di merkansia na Saba i Sint Eustatius;
• 8% ora di importashon di merkansia na Boneiru.

Ta kalkulá e ABB a base di e balor di duana di e merkansia. Esaki ta e preis di e merkansia, plùs tur gastu, manera flete i gastu di frankeo, te na e teritorio insular di destinashon.

Despues e kompania di servisio di mensaheria òf e kompania di pòst lo kobra bo e ABB.