Duana ta interseptá droga na aeropuerto na Boneiru

Durante di kòntròl rutinario di pasahero pa e buelo di KLM di Boneiru pa Amsterdam riba djaluna 31 di mei, Duana a topa ku 710 gram di kokaina serka un pasahero maskulino.

Despues di a entrevista e pasahero aki a disidí di hasi investigashon mas aleu. Durante kòntròl di e ekipahe di bodega por a nota algun iregularidat na e bòm di e maleta.

Durante kòntròl mas aleu a bin topa ku un bòm dòbel den kua tabata transportá e kokaina. A konfiská e kokaina i a detené e sospechoso di inisial J.A.F di 20 aña.

A trasladá e sospechoso pa KMar pa mas investigashon.