Promé bishita di trabou konhunto Duana i Belastingdienst Hulanda Karibense
Pa promé biaha den historia di Duana Hulanda Karibense, direktiva di Duana i di Belastingdient huntu a bishitá dos di e tres islanan. E meta di e bishita di trabou konhunto aki tabata pa haña mas komprenshon di e retonan i e konteksto di trabou di Duana Hulanda Karibense.
Di 30 di yüni pa 5 di yüli, Arno Kooij (direktor Maneho di Mantenshon), Mechteld Fletcher (direktor Finansa i Kontrol, Nichalin Martina (direktor general di Partikular di Belastingdienst) i Claudia Toet (direktor di Belastingdienst i Duana Hulanda Karibense) a bishitá dos isla di Hulanda Karibense, Boneiru i Sint Eustatius. Lástimamente, no tabata posibel pa bishitá Saba, relashoná ku e orkan Beryl.
Durante nan bishita nan a hiba kombersashon ku e Gezaghèbernan i e partnernan di kadena manera Koninklijke Marechaussee i Kuerpo Polisial Hulanda Karibense. Nan a papia entre otro tokante e fluho kresiente di transporte i artíkulo despues di aña 2010 i e retonan rondó di arma i droga. A base di e konosemetutu ku a kompilá, den e lunanan benidero lo tuma pasonan pa kompartí konosementu i fortalesé plannan di mantenshon. Quick wins ta e promé puntonan ku lo traha riba dje.
Nichalin Martina a enfatisá e importansia di kolaborashon:
"If you want to go far, go together." Mechteld Fletcher a agregá: "Nos ta wak bèk ku orguyo riba e bishita di trabou fruktífero aki."