Organisashon Mundial di Duana (WCO - World Customs Organization) a proklamá 26 di yanüari komo ‘Dia Internashonal di Duana’. Tur aña e dia aki ta dediká mundialmente na trabou di organisashonnan di Duana i nan kontribushon na protekshon di sosiedat. E aña akí e tema ta: “Duana ta protegé sosiedat pa medio di vigilansia i kompromiso” (Customs protecting society through vigilance and commitment).
Dia Internashonal di Duana 2026
Riba Dia Internashonal di Duana, rònt mundu ta para ketu riba importansia di Duana pa seguridat, legalidat i komersio hustu. Den 2026, Duana Hulanda Karibense (Boneiru, Sint Eustatius i Saba) tin e ròl di anfitrion. Lo risibí delegashon for di Kòrsou, Aruba, Hulanda i Sürnam na Boneiru.
Riba djaluna 26 di yanüari ta tuma lugá un enkuentro ofishal na honor di Dia Internashonal di Duana. E dia aki lo enfoká riba interakshon, profeshonalismo i kolaborashon internashonal, ku ta kuadra ku e ròl sosial di Duana.
Relashoná ku Dia Internashonal di Duana, den e temporada di 22 te ku 26 di yanüari, lo organisá diferente aktividat na Boneiru pa e partisipantenan duanero. E aktividatnan lo enfoká riba:
- Interkambio i konosementu,
- Kolaborashon dentro di region
- i profundisashon riba e tema di WCO.
Durante di siman e duaneronan ta bai den kombersashon ku otro tokante nan ròl den protekshon di sosiedat, kombatimentu di fluho ilegal di merkansia i fasilitá komersio legítimo. Den tayer- i enkuentronan lo kompartí eksperensia i lo reflekshoná riba e trabou den un konteksto karibense internashonal.
Ademas, tin espasio pa enkuentro i konekshon informal, entre otro pa medio di aktividat kultural i deportivo, ku ta kontribuí na komprenshon i kolaborashon mutuo.
Den e programa tin atenshon speshal pa e obra “Grenzeloos”, ku anteriormente a tuma lugá denter di Duana Hulanda. E obra ta invitá pa reflekshoná i dialogá tokante traha na Duana i e nifikashon di esaki pa sosiedat.
Duana Hulanda Karibense ta antisipá riba un Dia Mundial di Duana signifikante i supstansialmente balioso, den kua profeshonalismo, kolaborashon i responsabilidat sosial ta para sentral.