Belastingdienst Caribisch Nederland ta ehekutá taksashon di propiedat na Boneiru, Sint Eustatius i Saba
Den e periodo benidero Belastingdienst Caribisch Nederland ta laga hasi taksashon di propiedat na Boneiru, Sint Eustatius i Saba. Ta hasi esaki pa e kobransa di impuesto di propiedat di e periodo 1 di yanüari 2026 te ku 31 di dezèmber 2030. Pa kobransa di impuesto di propiedat ta stipulá e balor kada sinku aña. E fecha di balorashon ta 1 di yanüari 2026 pa e periodo aki.
Taksadó independiente ku ta ehekutá e trabounan na enkargo di Belastingdienst Caribisch Nederland ta determiná e balor di entre otro edifisio komersial, hotèl, instituto di enseñansa i kuido, servisio di utilidat i ophetonan similar. E taksashon ta tuma lugá a base di opservashon visual òf for di kaminda públiko, ku dato adishonal di entre otro Kadaster, informashon di konstrukshon i otro fuente públiko.
Belastingdienst ke anunsiá lo siguiente:
- Ta trata tur dato kolektá estriktamente konfidensial;
- E taksadónan por identifiká nan mes ku un prueba di identifikashon bálido;
- E trabounan ta tuma lugá sin anunsio previo òf kontakto ku doño òf usuario di e propiedat;
- No ta pidi akseso na bibienda, edifisio òf tereno.
E trabounan ta forma parti di e proseso di balorashon ku Belastingdienst ta ehekutá pa hasi kobransa di impuesto korekto i transparente. E determinashon di balor ta solamente pa determiná balor di e propiedat pa propósito di impuesto. Esaki enfátikamente no ta trata di kontròl òf mantenshon.
Bo tin pregunta tokante e trabounan aki? Tuma kontakto ku Belastingdienst Caribisch Nederland via +599 715-8585 òf balie@belastingdienst-cn.nl