Gabinete ta pidi input pa proposishon di lei ku kambionan fiskal pa Hulanda Karibense
For di djasabra 16 di ougùstùs ta posibel pa reakshoná riba e proposishon di lei ku ta inkluí diesseis (16) kambio fiskal pa e islanan Boneiru, Sint Eustatius i Saba, huntu Hulanda Karibense. Durante elaborashon di e proposishon di lei aki, gabinete ke enbolbí esun interesá. Bo por duna bo opinion, di manera ku por konsiderá bo aporte den elaborashon mas aleu di e plannan.
E aña aki lo kompilá e kambionan di lei fiskal tékniko pa e islanan Boneiru, Sint Eustatius i Saba den e lei fiskal kolektivo Islanan BES 2027. E proposishon di lei aki ta inkluí entre otro kambio den Loonheffing. Dor di esaki ta duna e oportunidat pa enbolbí sierto outo ku ta pone na disposishon di e empleado, den ‘eindheffing’ serka e dunadó di trabou. Ademas a inkluí un adaptashon den e Algemene Bestedingsbelasting (ABB), ku ta hasi posibel pa kompanianan mama i yu (prinsipal i filial) ku ta forma un union finansiero, organisatorio i ekonómiko, no mester kobra e belasting aki mas na otro.
Konsulta via di internèt
E gabinete ta balorá input di interesado i otro personanan enbolbí pa loke ta trata e proposishon di lei aki, pa asina por tuma esaki den konsiderashon na momentu di elaborá e plannan. Pa e motibu aki, djasabra 16 di ougùstùs, a kuminsá ku un konsulta via di internèt ku ta bai te ku djaluna 15 di sèptèmber. Interesado i otronan enbolbí por reakshoná via di Overheid.nl | Consultatie Fiscale verzamelwet BES eilanden 2027.