Dia Internashonal di Duana 2025 selebrá na Kòrsou
E Organisashon Mundial di Duana (WCO) a deklará dia 26 di yanüari komo ‘Dia Internashonal di Duana’ i ta selebrá e dia aki mundialmente. Tur aña WCO ta skohe un tema. E tema di e WDO pa 2025 a enfoká riba promové efisiensia, seguridat i prosperidat. E tema aki ta enfatisá e ròl krusial di duana den optimalisashon di fluho di komersio, protehá sosiedat di komersio ilegal i kontribuí na kresementu i stabilidat ekonómiko.
E aña aki a selebrá Dia Internashonal di Duana na Kòrsou. Duana Hulanda Karibense tambe tabata representá pa un delegashon chikí. Organisashonnan di duana di Aruba, Sürnam y Hulanda tambe a partisipá. Den preparashon pa e selebrashon ofisial di Dia di Duana vários aktividat a tuma lugá, manera enkuentronan ku diskurso di entre otro e Minister di Finansa di Kòrsou, aktividatnan di deporte i ekskurshonnan.
Otro aña, 2026, Duana di Hulanda Karibense lo tin e honor di organisá Dia Internashonal di Duana na Boneiru.
Duana di Hulanda Karibense ta forma parti di Belastingdienst Caribisch Nederland (B/CN) i ta prinsipalmente responsabel pa vigilá e fluho di merkansia pa i for di Boneiru, Sint Eustatius i Saba i kobransa di ABB riba importashon. Komo tal, e ta forma parti di Duana Hulandes.