Resientemente a tuma lugá un bishita di empresa i orientashon na ofisina di doaune na haf di Boneiru. Dies (10) hóben di ‘Jeugdhuis Jong Bonaire’ kompañá pa dos lider a haña un bista di e trabou ku Douane CN ta ehersé. Nan a risibí demonstrashon riba kon ta traha ku e kachó i boto di douane, pero tambe nan tabata por a bisti chaleko anti bala i bisti un hèlm di forma ku nan mes por wak kon esaki ta sinti.
E meta di e bishita aki tabata pa laga hóbennan sera konosí ku e formalidatnan di douane i duna nan un mihó bista di e trabou di douane den práktika. Esaki a duna nan e posibilidat pa amplia nan horizonte i pa asina siña mas tokante e diferente posibilidatnan ku doaune ta ofresé.
E hóbennan, tur di grupo 7 i 8 tabata aktivamente enbolbí i a hasi hopi pregunta tokante e trabou di duana, entre otro ki momentu ta hasi uso di e kachó di douane. E manehadónan di kachó presente a splika ku entusiasmo ku por desplegá kachó di douane den diferente situashon i ku e kachónan ta spesialmente entrená pa vários tarea. Tambe nan a enfatisá ku manehadónan di kachó mester tin un pashon pa traha ku kachó i mester sigui un entrenamentu spesial pa esaki.
Douane ta mira bèk riba un bishita balioso i eksitoso i ta kontribuí na e tipo di inisiativanan aki pa traspasá e konosementu i eksperensia na hóbennan.
