Unifòrm nobo riba Dia Internashonal di Duana
E Organisashon Mundial di Duana (WDO) a nombra 26 di yanüari komo ‘Dia Internashonal di Duana’ i ta selebrá e dia aki mundialmente.
Pa aña 2022 WDO a skohe e siguiente tema:
“Eskalá transformashon digital di Duana dor di skohe i traha na un sistema eko di data"
Na Hulanda Karibense no ta selebrá e dia aki ku muchu luho manera ta kustumber pa motibu di e situashon di covid-19 na e momentunan aki.
Sí a skohe pa riba e dia aki presentá e ünifòrm nobo di Duana Hulanda Karibense. E ünifòrm nobo di duana ta un ünifòrm di e tempu aki, ku por bisti i ta duradero, loke ta kuadra ku e trabou multifasétiko di duanero. E ta elegante i wapu, ta radia outoridat i konfiabilidat i ta fortalesé visibilidat i rekonosebilidat. E kambio mas notabel pa ku e unifòrm nobo ta ku a kambia e koló bèrdè pa koló blou. Enfin: un unifòrm ku ta kuadra ku e organisashon di mantenshon moderno ku Duana ta.
Konfortabilidat i funshonalidat
A skohe pa material ku ta ofresé kònfòrt i funshonalidat dor di kua trahadónan di duana ta traha den dje ku smak. Pa e ünifòrm nobo di Duana a hasi uzo mas tantu posibel di material resiklá i duradero, partikularmente polièster resiklá i katuna orgániko.
Duana Hulanda Karibense ta forma parti di Belastingdienst Caribisch Nederland (B/CN) i ta partikularmente responsabel pa supervishon di fluho di artíkulonan pa i for di Boneiru, Sint Eustatius i Saba i pa kobransa di ABB ora ta trata di importashon. Di tal manera e ta forma parti di Duana Hulandes.
