Prolongashon suavisashon di Belastingdienst Caribisch Nederland

E sirkunstansianan partikular komo konsekuensia di e krísis di corona ta duna motibu pa (prolongá) suavisashon temporal di diferente areglo fiskal. E siguiente suavisashonnan temporal ta vigente te promé di òktober 2021 pa Boneiru, Sint Eustatius i Saba.

Gebouw Belastingdienst Caribisch Nederland

Suspenshon di pago di debenan di belasting

Empresarionan ku temporalmente a haña nan mes den problema di likides debí na e krísis di corona, por a pidi pa suspenshon di pago. Debí na e impakto persistente di e medidanan relashoná ku e vírus di corona, ta prolongá e areglo akí. E petishon mester ta entregá pa mas tardá 30 di sèptèmber 2021.

Redukshon di interes di kobransa (porsentahe di interes)

Ta redusí e porsentahe di interes ku ta suma na e momentunan aki 6%, na un porsentahe di 0,0. Esaki ta konta solamente pa esnan ku a pidi esaki i a bin na remarke pa suspenshon speshal di pago.

E interes di kobransa gradualmente ta bai bèk na e nivel bieu. Riba promé di yanüari 2022 ta stipulá e porsentahe di interes di kobransa na 2%, riba promé di yanüari 2023 na 3% i riba promé di yanüari 2024 na 6%.

Deklarashon di komportashon di pago

Pa deklarashonnan di komportashon di pago (por ehèmpel nesesario pa otorgamentu di pèrmitnan) ta konta ku debenan habrí di Loonbelasting (LB) di ‘aanslag’ di belasting adishonal, imponé durante e periodo di suspenshon, lo no tin efekto negativo pa haña e deklarashon akí.

Notifikashon di insolvensia

Si bo a pidi suspenshon di pago pa belasting ku debe ku mester tabata transferí òf pagá entre 12 di mart 2020 i promé di òktober 2021, e ora ei Belastingdienst ta konsiderá esaki tambe komo un notifikashon na tempu di insolvensia.

But di inkumplimentu ku pago

Butnan di inkumplimentu pa inkumplimentu ku pago, imponé den e periodo di 12 di mart 2020 te na e fecha ku e suspenshon di pago ta na vigor, ta ser destruí ofisialmente. Esaki ta konta pa tur medio di belasting pa kua e areglo di suspenshon spesial temporal di e desishon akí ta konta.

Suèldu usual

Pa e areglo di suèldu usual ta konta ku, bou di sierto kondishonnan, e suèldu usual pa aña 2020 i 2021 mag ta igual na e ganashi komersial (pero nunka negativo). Si e suèldu ku realmente a paga ta mas haltu ku e suma ei, naturalmente mester sigui e montante ei.

Algemene bestedingsbelasting

Riba importashon i suministro di tapaboka, bakuna i ‘testkit’ di corona, no mester paga algemene bestedingsbelasting. Por haña mas informashon riba e wèpsait akí.

Informashon adishonal

Pa e desishon kompleto di 28 di yüni 2021, publiká riba 30 di yüni 2021 den Staatscourant, bo por wak riba.Pa pregunta bo por tuma kontakto ku e Helpdesk di Belastingdienst via meil: helpdesk@belastingdienst-cn.nl.