Bai directamente na kontenido

No ta kobra Algemene bestedingsbelasting riba importashon i entrega di tapaboka, bakuna i ‘testkit’ di corona

Notisia | 19-07-2021 | 16:10

Ku forsa retroaktivo te promé di yanüari 2021 te ku 30 di sèptèmber 2021 tin un tarifa di ABB di 0% na vigor pa:

  • Importashon i entrega di tapaboka
  • Importashon di bakuna i ‘testkit’ (no komersial) ta eksonerá di ABB. Mester paga ABB si riba importashon i entrega di ‘testkit’ komersial. Pa servisio ku ta konsistí di bakunashon òf tèstmentu kontra pago si mester paga belasting, a ménos ku esaki ta eksonerá a base di artíkulo 6.11, promé insiso, sekshon c, di Belastingwet BES.
Algemene bestedingsbelasting

Ku forsa retroaktivo te 21 di desèmber 2020 te ku 30 di sèptèmber 2021 tin un tarifa di ABB di 0% na vigor pa:

  • E servisio di bakunashon ku bakuna di COVID-19 ku e Ofisina Oropeo di Remedi (EMA) a aprobá komo bakuna di corona, a ménos ku al respekto tin un eksonerashon aplikabel;
  • Entrega i importashon di bakuna di COVID-19 ku e Ofisina Oropeo di Remedi (EMA) a aprobá komo bakuna di corona;
  • Entrega i importashon di ‘testkit’ di COVID-19 ku ta kumpli ku e guianan di LCI di RIVM i ku e anekso huntu ku e guia ‘Aanvullende informatie diagnostiek COVID-19’;
  • Tèstmentu ku e ‘testkit’ akí;  

Ku forsa retroaktivo te 17 di aprel 2021 te ku 30 di sèptèmber 2021 tin tambe un tarifa di ABB di 0% pa:

  • Importashon di ‘testkit’ di COVID-19 ku ta aparesé riba e lista di Union Oropeo i tin marka di CU
  • Tèstmentu ku e ‘testkit’ akí
  • Importashon di outo-tèst di Antígeno pa kua e minister di Kuido Médiko i Deporte a duna eksonerashon, di manera ku tin mag di introdusí esakinan riba merkado hulandes, i tin mag di importá esakinan na Hulanda Karibense. Pa importashon di e outo-tèst akí tin un tarifa di ABB ku ta nihil, a ménos ku al respekto un eksonerashon ta aplikabel. Mas informashon bo por haña aki.  

Gabinete kier hasi bakunashon kontra i tèstmentu riba corona mas barata posibel. P’esei ta introdusí e tarifa di ABB temporal di 0%.

Di ki forma mi ta pidi e ABB ku a paga di mas pa e artíkulonan ariba menshoná bèk?

Na Terugbetaling bo ta lesa kon bo hasi esei.

Otro medidanan fiskal debí na corona

Aparte ku no debe algemene bestedingsbelasting riba importashon i entrega di tapaboka, bakuna i testkit di corona, nos a tuma mas medida ainda pa yuda empresa- i siudadanonan durante e krísis di corona.