Registrá komo dunadó di trabou

Starterspakket (Pakete empresario nobo) i handboek startende onderneming (manual empresa ku ta start)

Si ainda bo no ta konosí na Ofisina di impuesto, tambe bo ta risibí un pakete yamá starterspakket. Esaki ta kontené tantu un handboek startende onderneming (manual empresa ku ta start) komo un formulier startende onderneming (formulario empresa ku ta start). Den e starterspakket aki tambe tin e formulario aanmelding werkgever voor de loonheffing (registrashon dunadó di trabou pe e retenshon riba suèldo).

Bo por download e starterspakket, òf busk’é na ofisina di impuesto òf na Kámara di Komèrsio.

Number di CRIB

Despues di registrashon bo ta risibí un number di CRIB. E number aki bo ta menshoná kada bes riba bo korespondensia ku Ofisina di impuesto.

E Ofisina di impuesto ta duna number di CRIB nobo mas pronto posibel despues di risibí bo petishon. E ora ei Ofisina di impuesto mester disponé di tur informashon nesesario, sí. Pa duna e informashon deseá bo ta usa e formulario di komienso ku ta menshoná aki riba.

Konosí kaba komo empresario pero awor personal den servisio pa promé bia?

Si bo ta konosí kaba komo empresario pero awor pa promé bia ta tuma personal den servisio, bo ta usa solamente e formulario ‘registrashon dunadó di trabou nobo’.

Paga tinu! Ta posibel ku bo a registrá komo dunadó di trabou, pero ku en realidat (ainda) no tin empleado ta traha serka bo. E ora ei tòg bo tin obligashon pa hasi deklarashon na ora.

No tin personal den servisio mas?

Si bo no tin personal den servisio mas bo mester mèldu esaki serka Ofisina di impuesto. E ora ei e Ofisina di impuesto no ta manda bo deklarashon impuesto riba suèldo i prima mas. Sí bo tin obligashon pa, asina ku personal drenta servisio atrobe, mèldu esaki serka e Ofisina di Impuesto.