Bo ta biba pafó di UO (Union Oropeo) i ta kumpra merkansia nobo na Hulanda ku den bo ekipahe bo ta hiba pafó di e UO? E ora ei despues bo por haña bèk e btw (belasting riba balor agregá) ku a paga.
Bo por hasi palabrashon tokante esaki ku e doño di pakus/suministrador di e merkansia. Bo mester tin un faktura pa e merkansia ku bo ta hiba. E balor riba e faktura di e merkansia ku bo ta hiba mester ta mas haltu ku € 50, inkluso btw i otro posibel impuesto.
- Ora di bandoná Hulanda òf UO bo mester mustra Duana e (kopia di e) faktura. E Duana ta kontrolá:
- Si bo residensia permanente ta pafó di UO
- Si ta bo mes ta hiba e merkansia
- Si ta un doño di pakus/suministrador hulandes a saka e faktura
Si e merkansia ku bo ta hiba ta e mesunnan ku tin riba e (kopia di e) faktura, e ámtenar di duana ta firma e (kopia di e) faktura pa eksportashon. Despues bo ta manda e (kopia di e) faktura pa bo suministrador. Ku e faktura firmá pa Duana bo suministrador ta mustra Ofisina di Impuesto ku a eksportá e merkansia. E ora ei bo suministrador no mester paga btw. Bo suministrador por paga bo bèk e btw. Ofisina di Impuesto òf Duana no ta intermediá den esei.
Por envolví intermediarionan tambe (manera organisashonnan Tax-refund). Bo suministrador por informá bo tokante esaki.
Paga tinu!
Ora di yegada na Boneiru, a base di e kondishonnan menshoná aki bou, lo laga e suma na btw (impuesto interno) na kua e merkansia en kestion ta someté den e pais di orígen òf di eksportashon pafó di e balor di duana. E kondishonnan ta:
1. Ku e suma na btw ta menshoná apart riba e faktura.
2. Ku bo por proba ku a eksonerá òf lo eksonerá e merkansia ei for di e btw na fabor di e kumpradó.
Pa haña bèk e btw, bo mester saka e merkansia pafó di UO pa mas tardá na final di e di tres luna despues di e luna di kompra.
E areglo aki tambe ta konta pa personanan ku ta establesé nan mes pafó di UO promé ku fin di e di tres luna despues di e kompra. Tin regla spesial na vigor pa esei!