Hasi petishon pa number di CRIB
Pa tur habitante di Hulanda Karibense entre 15 i 65 ana, Ofisina di Impuesto Hulanda Karibense outomátikamente ta traha un number di CRIB. Esaki ta sosodé despues ku bo a registrá bo mes na e departamentu di asuntu sivil di e Entidat Públiko. Si bo kai pafó di e grupo di edat aki, bo mes por entregá un petishon pa un number di CRIB na bali den e ofisina di impuesto. No lubidá di bini ku bo legitimashon.
A registrá bo na asuntunan sivil
Pa buska bo number di CRIB bo mester pasa personalmente na bali den e ofisina di impuesto. No lubidá di bini ku bo legitimashon. Pasobra bo a registrá, bo por haña bo number di CRIB mesora.
Bo ta biba den eksterior
Si bo ta biba den eksterior i mester di un number di CRIB, e kos mas mihó ta pa pasa na ofisina di impuesto ora bo ta riba e isla. Si esei no ta posibel, bo por manda un mail pa balie@belastingdienst-cn.nl. Bo mester menshoná pakiko bo mester di un number di CRIB (por ehèmpel pa haña akseso na nos servisionan online). Tambe bo mester añadí un kopia di un legitimashon válido (pasaporte, ID òf reibeweis). Tambe menshoná bo direkshon den bo mail, nos mester di esei pa nos atministrashon. Despues di 5 dia di trabou ta manda bo number di CRIB via mail.