Un number di CRIB ta un number úniko mará na bo persona, pa tur hende ku ta registrá na Belastingdienst Caribisch Nederland. Na promé lugá, e intenshon di e number ta pa kontakto entre personanan i instansha di gobièrnu. Den esaki bo mester pensa na e Ofisina di Impuesto, e Entidat Públiko, Asuntu Sosial òf Studiefinanciering. Dor di usa un number di CRIB, ta posibel pa, por ehèmpel, prosesá pago korektamente na un manera fásil.
Pakiko bo mester di dje?
Bo mester di un number di CRIB ora bo tin kontakto ku Ofisina di Impuesto, por ehèmpel ora di yena bo deklarashon impuesto riba entrada. Ora di pago na Ofisina di Impuesto bo mester menshoná e number aki. Tambe ora bo kumpra un outo òf un motersaikel i ke pone e number di outo òf motersaikel riba bo nòmber na Entidat Públiko, bo mester di un number di CRIB. Ademas bo (futuro) dunadó di trabou mester di e number di CRIB pa e atministrashon di suèldo.
Privasidat
Ku e number di CRIB ta posibel pa konektá informashon na un sierto persona. P’esei hasi uso deskuidá di e number di CRIB ta trese riesgo di privasidat. Por ehèmpel mal uso di dato personal i froude di identidat. P’esei sea kuidadoso ku dunamentu di bo number di CRIB.
Warda bon
Habitante di Hulanda Karibense entre 15 i 65 aña a risibí un number di CRIB serka B/CN. Den kaso ku bo a pèrdè bo number di crib, por tuma un deklarashon di crib na e bali di Belastingdienst. Bo mester bin ku legitimashon.