Ora bo no por paga

Ki ora bo ta haña suspenshon di pago?

Importante pa suspenshon ta ku un tersera parti ku ekspertisio ta duna un deklarashon ku kua e ta hasi aseptabel ku ta trata di un negoshi sano i viabel ku minimalmente ta kumpli ku e siguiente kondishonnan:

• e negoshi tin problema pa paga ku ta eksistí di bèrdat;
• e problemanan ta di un índole temporal;
• ta bai solushoná e problemanan promé ku un momentu fiho.

Ehèmpelnan di un tersera parti ku ekspertisio

Un tersera parti ku ekspertisio por ta:

• un consultant rekonosé;
• un finansiadó rekonosé;
• un organisashon rekonosé den su sektor;
• un accountant (di kas) rekonosé.

Ku kiko e deklarashon mester kumpli?

For di e deklarashon, e índole di e problemanan pa paga mester sali na kla i e faktibilidat ku den futuro por superá e pagonan atrasá. Bo mester proba ku e problemanan di pago a surgi pa motibu di sirkunstansia spesial ku no ta parti normal di e riesgo di e kompania.

Huntu ku esaki por pone kondishonnan eventual mas aleu.

Kon bo ta pidi suspenshon?

Si bo ke bini na remarke pa un areglo di pago basá riba e karakterístikanan menshoná ariba, bo por entregá un petishon fundamentá serka Ofisina di Impuesto.

Boneiru: Kralendijk - Kaya L.D. Gerharts 12

Sint Eustatius: Oranjestad - H.M. Queen Beatrixstreet

Saba: The Bottom - Cap. Mathew Levenstone Street

Bo mester paga interes ora bo haña suspenshon di pago?

Durante e suspenshon bo mester paga interes di kobransa (6%).

Kiko bo mester hasi ora nenga bo petishon pa suspenshon di pago?

Bo por apelá por eskrito denter di 10 dia despues di e fecha di e karta negativo. Dirigí bo karta di apelashon na e direktor di Ofisina di Impuesto i mand’é pa:

Ofisina di Impuesto/Hulanda Karibense
Kaya L.D. Gerharts 12
Kralendijk
Boneiru, C.N.

Den bo apelashon, menshoná e karakterístika di e karta negativo i indiká dikon bo no ta di akuerdo kuné. Asina ku risibí bo karta di apelashon, ta duna bo suspenshon te ora tuma un desishon riba esaki. Bo ta risibí e desishon riba bo karta di apelashon denter di 8 siman despues ku bo a entreg’é.

Paga tinu!

Paga mas lat ta kosta sèn: bo mester paga interes di kobransa (6%).

Problema pa paga

Komo empresario, bo ta haña suspenshon di pago solamente si bo por duna un garantia pa henter e debe di impuesto, por ehèmpel ku:

• un garantia di banko;
• un garantia personal;
• un hipotek.

Si bo ke entregá un petishon pa suspenshon di pago, anto usa e formulario ‘Petishon areglo di pago i suspenshon di pago di impuesto i/òf prima pa negoshi’ lenk pa e formulario.