Responsabel pa debe di impuesto di un otro

Si bo ta òf tabata kasá, nos por tene bo (èks-)kasá responsabel pa (un parti di) bo debe di impuesto. Tambe por tene heredero i un ehekutor responsabel.

Ora bo ta un direktivo di un kompania, tambe ta posibel ku ta tene bo responsabel pa e debe di impuesto di e kompania. Ora bo ta traha komo kontratista, òf ora bo a fia personal di otro, por tene bo responsabel pa debe di retenshon riba suèldo no pagá òf impuesto general di konsumo di bo supkontratista òf fiadó.

Si esun ku ta tene responsabel no tin opheshon, e mester paga e debe. Meskos ta konta ora nenga e opheshon, òf ora hues nenga su apelashon. Ora esun ku ta tene responsabel no paga e debe na ora, Ofisina di Impuesto ta tuma medida pa sòru pa e paga ainda.