Ora bo no por paga - persona priva

Bo no por paga bo debe na Ofisina di Impuesto na ora, òf no den un pagá. E ora ei bo por pidi nos suspenshon di pago òf un areglo di pago.

Kon bo ta pidi suspenshon di pago?

Pa haña suspenshon di pago bo ta yena un petishon areglo di pago i suspenshon di pago.

E Ofisina di Impuesto mester di e formulario ku bo a yena pa husga si bo ta bini na remarke pa un areglo di pago.  

Bo ta pidi suspenshon di pago? E ora ei lo informá bo si bo ta bini na remarke pa suspenshon di pago.

Areglo di pago, ki ora nò?

Tin bia nos no ta pèrmití areglo di pago, por ehèmpel ora:

  • bo a haña suspenshon kaba en konekshon ku un prosedura di opheshon òf apelashon i durante e prosedura bo tabatin sufisiente medio pa por paga; 
  • a anunsiá un findishi di bo bienes konfiská òf no por prevení publikashon di e benta planiá aki mas;
  • bo no a hasi deklarashon, i mester a hasié sí.

E ora ei ofisialmente ta saka un papel di impuesto.
Solamente bo por haña un suspenshon di pago kòrtiku e ora ei pa entregá e papel di impuesto ku ta falta;  

  • bo a duna informashon ku no ta kuadra;
  • bo no tin sufisiente kapasidat pa paga e suma kompleto sin inkombeniensha.

Kon largu bo por haña suspenshon di pago?

Un areglo di pago na por dura mas largu ku 12 luna. Den kasonan eksepshonal por duna bo un término mas largu.  

Bo mester paga interes ora bo haña suspenshon di pago?

Durante e suspenshon bo mester paga interes di kobransa (6%).

Kiko bo por hasi ora nenga bo petishon pa suspenshon di pago?

Bo por apelá por eskrito denter di 10 dia despues di e fecha di e karta negativo. Dirigí bo apelashon na e direktor di Ofisina di Impuesto i mand’é na:

Ofisina di Impuesto/Hulanda Karibense
Kaya L.D. Gerharts 12
Kralendijk
Boneiru, C.N.

Den bo apelashon, menshoná e karakterístika di e karta negativo i indiká dikon bo no ta di akuerdo kuné. Asina ku risibí bo apelashon, ta duna bo suspenshon te ora a tuma un desishon tokante esaki. Bo ta risibí e desishon riba bo apelashon denter di 8 siman despues ku bo a entreg’é.