Beslag

Si despues ku bo a risibí e dwangschrift (karta di dùrwarder) ainda bo no paga, e dùrwarder di impuesto ta pone beslag riba bo pertenensianan.

Bo por oponé e beslag (ehekutashon di e dwangschrift).

Bo mester laga un dùrwarder di korte notifiká ontvanger di e oposishon i denter di un luna despues di e notifikashon aki bo mester kuminsá e kaso kontra ontvanger. Despues ta trata e kaso den korte.

Beslag riba bo bienes móbil

E dùrwarder di impuesto por bini na bo kas òf den bo kompania pa pone beslag riba e bienes móbil, por ehèmpel riba bo mobilario. E ta skibi un relato di esaki; e prosèsferbal di beslag. Bo ta risibí un kopia di esaki. Ora e dùrwarder di impuesto a pone beslag, bo no por disponé libremente di bo propiedatnan mas. Bo no por hasi daño na nan, bende òf regalá nan. Si bo hasi esaki tòg, esaki ta ladronisia i Ofisina di Impuesto lo hasi denunsia serka polis. E dùrwarder di impuesto por bai ku e bienes konfiská tambe.

Si te ainda bo no paga, e dùrwarder di impuesto ta bende e bienes konfiská.

Beslag riba bo propiedatnan inmóbil

Ora di beslag riba propiedat inmóbil, generalmente ta trata di e propiedat inmóbil, por ehèmpel bo bibienda, tereno, apartamento. E dùrwarder di impuesto ta redaktá un prosèsferbal di beslag ku e informashon kadastral. Ta registrá e beslag na Kadaster. E gastunan pa esaki ta kore riba bo kuenta.

Beslag riba pertenensia ku un otro ta manehá pa bo – Derdenbeslag (Beslag tersera parti)

Ta posibel ku bo a fia hende bo pertenensianan òf laga un otro hende manehá nan pa bo. Riba e bienes aki tambe dùrwarder di impuesto por pone  beslag. Ora di un derdenbeslag (beslag tersera parti) asina bo no ta liber pa disponé di bo pertenensianan mas. Ta paga nos e sèn ku bo tin na banko òf pago pa daño di perhuico e ora ei. Esun ku ta manehá bo pertenensianan pa bo, mester informá nos kiko eksaktamente e tin ku ta di bo. Despues e mester duna bo sèn i pertenensianan na e dùrwarder di impuesto.

Beslag riba bo suèldo òf pago

E dùrwarder di impuesto por pone beslag riba bo suèldo, pago, penshun òf otro pago periódiko ku bo ta risibí. Tur luna e ora ei e ta demandá un parti di bo suèldo òf pago serka bo dunadó di trabou, òf serka e persona òf instansha ku ta hasi e pago. Pa beslag no mester di intervenshon di hues. Lei (Belastingwet BES) ta duna Ofisina di Impuesto e outorisashon ei. E beslag aki ta keda na vigor te ora henter e debe di impuesto ta pagá.

Nos por pone beslag entre otro riba:

  • suèldo, pago pa fakansi, sèn di malesa, gratifikashon i tantième;
  • wachtgeld i penshun;
  • pago manera AOW i ònderstant;
  • término di renta vitalisio di seguro di bida.

Pa por sostené bo mes, Ofisina di Impuesto generalmente no ta eksigí henter bo suèldo òf pago. Ofisina di Impuesto ta pone beslag riba un máksimo di 1/3 parti di bo entrada.

Kon i ki ora ainda bo por paga?

Tambe ora e dùrwarder di impuesto a pone beslag riba bo pertenensianan, te ku dia di e benta ainda bo por paga. Por lo general e benta ta tuma lugá kuater siman despues di pone beslag. Paga mas pronto posibel, pasobra e dùrwarder di impuesto mester anunsiá e benta adelantá riba afiche i den aviso. E gastunan èkstra aki tambe ta kore riba bo kuenta.

Bo no ta di akuerdo ku e beslag

Bo por oponé e beslag. E ora ei bo mester embolbí un abogado pa dagfar Ofisina di Impuesto. Despues ta trata e kaso den korte.

Ora e dùrwarder di impuesto pone beslag riba bienes ku no ta di bo, tambe e por bende nan. Si e doño di e bienes aki no ta di akerdo ku esei, e por entregá un asina yamá verzetschrift (karta di opheshon) òf beroepschrift (karta di apelashon), serka Ofisina di Impuesto òf na korte. Den esaki e mester splika ku e ta e doño i dikon e no ta di akuerdo ku e beslag.

Benta di pertenensia

Si despues di e beslag riba e pertenensianan ainda bo no paga, e dùrwarder di impuesto lo bende esakinan. E benta ta aksesibel pa tur hende i por tuma lugá riba e adrès kaminda a pone beslag riba e bienes òf na un otro lugá ku Ofisina di Impuesto skohe. Ta anunsiá e benta via aviso den korant.

Pa benta di bo inmóbil nos ta embolbí un notario.

Ta kita e sèn di e benta for di bo debe total.

E ora ei esaki ta konsistí e.o. di:

  • gastunan di e aanmaning (atvertensia);
  • gastunan di e dwangbevel;
  • gastunan di e beslag;
  • gastunan di e benta (por ehèmpel anunsio);
  • interes di kobransa;
  • bo debe na impuesto.