Bende, fia òf regalá bienes di mudansa

Ta dependé ki ora bo ta hasi esei. Denter di un periodo di 12 luna bo no por bende, fia, regalá, etc. e bienes di mudansa. Kuminsamentu di e periodo di 12 luna ta e fecha riba kua Duana a aseptá e deklarashon pa importashon.

Benta bienes di mudansa

Si tòg bo ke bende, fia, etc. e bienes di mudansa denter di e periodo aki, bo mester tin pèrmit di e inspektor pa esaki. Ainda bo mester paga ABB e ora ei i posiblemente akseins.

Si bo bende e bienes di mudansa, regalá nan etc. sin pèrmit di e inspektor, por kobra bo un but fuera di e pago di ABB i posiblemente akseins.