Transportista di duana
E transportista di duana ta outorisá pa entregá deklarashon pa otro persona. Pues e persona aki independientemente ta responsabel pa un deklarashon entregá na Duana, inkluso e posibel pago di impuestonan i/òf gastu relashoná ku e deklarashon.
Pa motibu di e riesgo ku esaki ta trese kuné, ora di un bankarota di e kliente e transportista tin un prerogativa riba tur parti di kapital di e algemene bestedingsbelasting (impuesto general di konsumo) ku el a paga na benefisio di e kliente, otro tipo di impuesto, interes, i gastu por estilo.
Kiko mi mester hasi pa mi mes bira transportista di duana?
Bo mester entregá un petishon pa pèrmit por eskrito serka Duana Hulanda Karibense. Pa e informashon, wak bou di Kontakto.
Promé ku entregá e petishon, tuma kontakto ku Duana Hulanda Karibense, di moda ku bo por familiarisá ku e kondishonnan i e informashon ku mester duna. Den e petishon, en todo kaso lo bo mester duna informashon tokante:
- un posibel kondena penal di bo persona;
- bo kapasidat profeshonal den hasi asuntu di duana;
- e forma ku bo ta bai pone un siguridat den e kasonan kaminda esaki ta rekerí.
Un transportista di duana mester biba òf ta stablesé na Boneiru, Saba, òf Sint Eustatius.