Bo ta biba na Boneiru, Saba òf Sint Eustatius i bo ke kumpra algu pafó di bo mes isla via Internet, via pòst òf telefòn. Ta importá e merkansia ku bo ta kumpra riba bo isla. Por ta ku bo mester paga impuesto di importashon, manera ABB (Algemene Bestedingsbelasting) òf akseins.
Pòsterei òf servisio di mensaheria ta entregá e merkansia na mi adrès. Mi ta debe ABB e ora ei?
No semper, pa un kantidat limitá di merkansia tin dispensashon di ABB. Ta designá e kantidat di merkansia ku por importá sin paga ABB komo karga ku un balor neglishabel. Den e bista general aki bou a inkluí e dispensashon.
Dispensashon pa karganan ku un balor neglishabel
Por gosa di dispensashon di ABB ora e balor di e merkansia, inkluso gastu di karga/frankeo, no ta mas ku USD 28,00. Produkto alkohóliko i tabako i produkto di tabako ta ekskluí for di e dispensashon.
Importashon di karga sin dispensashon
Pòsterei òf e negoshi di servisio di mensaheria ku ta risibí e merkansia ta sòru pa entregá un deklarashon serka Duana na unda pago di e ABB ku debe ta tuma lugá. E ABB ta suma:
- 6% ora di importashon di merkansia na Saba i Sint Eustatius;
- 8% ora di importashon di merkansia na Boneiru.
Ta kalkulá e ABB riba e balor di duana di e merkansia. Esaki ta e preis di e merkansia, plùs tur gastu manera gastunan di karga i frankeo te na e teritorio insular di destinashon.
Ora ta papia di importashon di merkansia suheto na akseins na Boneiru, fuera di e ABB, bo debe akseins tambe. Na ekipahe di biahero bo ta haña un bista general di e tarifanan di akseins.
Despues, Posterei òf e negoshi di servisio di mensaheria lo kobra bo e ABB i posiblemente e akseins.