Pago AOW for di Hulanda
Komo habitante di Hulanda Karibense bo ta risibí un pago di AOW hulandes? Si esei ta e kaso, e imposishon di impuesto riba bo pago di AOW a base di e BRN ta asigná na Hulanda Karibense.
SVB na Hulanda e ora ei lo no retené imposishon riba suèldo hulandes riba e pago aki. E pago bo mester menshoná komo parti di bo entrada mundial den bo deklarashon di impuesto riba suèldo.
Ora SVB no konsiderá ku bo ta un habitante di Hulanda Karibense sí ta retené imposishon riba suèldo hulandes. Si bo ta di opinion ku esaki ta sosodé inhustamente bo mester manda reklamo kontra e retenshon na Belastingdienst/Limburg ofisina Eksterior (pa mas informashon wak www.belastingdienst.nl).
Paga tinu!
Den e BRN i e Besluit voorkoming dubbele belasting BES (Desishon prevenshon impuesto dòbel BES) no a inkluí regla pa imposishon di e prima di seguro popular ni e seguronan di empleado. Pa esaki tin otro areglo (internashonal) na vigor. Pa más informashon bo por tuma kontakto ku Ofisina di Impuesto/CN.
Entrada for di Hulanda
Ora bo ta risibí un entrada for di Hulanda, tambe por papia di un kaso di impuesto dòbel. E ‘Belastingregeling voor het land Nederland’ (BRN, Areglo impuesto pa e pais Hulanda) ta prevení esaki. Den esaki a regla ki ora por kobra impuesto riba entrada na Hulanda Karibense i ki ora na Hulanda.
Pa sa kiko ta e konsekuensianan eksakto di bo imposishon di impuesto na Hulanda Karibense, bo mester lesa e areglo aki. E tekstonan integral di e BRN i e Besluit ter voorkoming van dubbele belasting BES bo por download for di http://wetten.overheid.nl.
Paga tinu: Si nos no manda bo un papel di deklarashon impuesto riba suèldo bo mes mester pidi esaki serka nos.