Hasi deklarashon impuesto wega di azar

Ganadornan di premio

Premio ta tur merkansia ku tin balor den e tráfiko ekonómiko i ku ganadó di premio di un wega di azar ta risibí. Esei por ta sèn (tur moneda) pero tambe otro merkansia ku no ta sèn, manera un outo, un sofá, biahenan i otro kos semehante.

Ora bo gana un premio òf merkansia, ta difísil pa determiná riba kua suma mester paga impuesto. Lei ta stipulá ku e balor den e tráfiko ekonómiko ta desisivo. Ora por ehèmpel bo gana un biahe, mester wak kiko ta e balor di e biahe ei den e tráfiko ekonómiko. O sea: kiko e biahe ei ta kosta serka e agensia di biahe?

Dispensashon

Bo no mester paga impuesto di wega di azar ora:

• e balor di e preis ku a gana no ta mas ku USD 600;
• e depósito pa wega di azar ta mas grandi òf igual na e preis ku a gana; posibel gastu ku bo hasi pa partisipá, no ta konta komo depósito;
• si, ora bo a gana un preis den un wega di azar den eksterior ya bo a paga un impuesto similar den eksterior riba e preis ei. Den e kaso aki sí bo mester hasi deklarashon ainda, bo ta pidi e ora ei pa prevenshon di pago dòbel.

Tarifa impuesto wega di azar

E tarifa pa e impuesto di azar ta 10%. Ehèmpel, bo ta gana un outo di  USD 20.000, e impuesto ku debe riba esaki ta USD 20.000 x 10% = USD 2.000.

Papel di impuesto wega di azar

Si bo no hasi deklarashon i no paga e impuesto ku debe, por imponé un papel di impuesto ku ta bini despues (naheffingsaanslag) ku but.