Kuenta anual
Un entidat ku ta disponé di un pèrmit di establesimentu, kada aña denter di nuebe luna despues di fin di e aña ekonómiko mester entregá su kuenta anual.
Atenshon! Entrante promé di yanüari 2024 e obligashon akí ta konta pa tur órgano i instituto fiho establesé na Hulanda Karibense. Pa e motibu akí e regulashon nobo akí ta aplikabel kaba pa e kuentanan anual di e aña ekonómiko 2023.
Kiko ta un kuenta anual i pakiko bo tin mester di dje?
Hopi negoshi ta traha un informe anual: un informe di aktividatnan di nan empresa di e aña ku ta tras di lomba. E kuenta anual ta un parti fiho di esaki i ta duna un bista general finansiero di e empresa. Esaki semper ta konsistí por lo menos di e balansa, kuenta di resultado i un ilustrashon riba esaki. Mas grandi e kompania ta, mas ekstenso ainda e kuenta anual lo ta.
Redaktá e kuenta anual bo mes, òf laga un otro hasi esaki?
E kuenta anual por duna hopi komprondementu di e estado di un kompania. Pero pa haña e komprondementu aki, e atministrashon mester klòp, sí. P’esei mester tene esaki minusiosamente.
Ora un empresa unipersonal (eenmanszaak) krese i e atministrashon ta tuma mas tempu, por skohe pa laga un accountant hasi e tenementu di buki. E accountant e ora ei tambe por redaktá e kuenta anual i entreg’é na Belastingdienst.
Relato anual
Un entidat ku tin obligashon di paga impuesto riba resultado, kada aña denter di nuebe luna despues di fin di e aña ekonómiko mester entregá su relato anual.
Atenshon! Entrante promé di yanüari 2024 e obligashon akí ta konta pa tur órgano i instituto fiho establesé na Hulanda Karibense. |
Ku otro palabra, kada aña pa mas tardá riba 30 di sèptèmber mester a entregá e relato di e aña anterior. E relato mester konsistí di un balansa, kuenta di ganashi i pèrdida plùs un splikashon di e relato aki i mester ta redaktá sigun e disposishon di artíkulo 15, Buki 2 di e Kódigo Sivil BES. Tambe Ofisina di Impuesto ta deseá pa suministrá un spesifikashon di e partidanan di balansa ABB i loonheffing riba suèldo entrante 31 di desèmber. Ademas Belastingdienst ta deseá un menshon di e suèldo di e direktor i akshonista prinsipal, di e empleado ku ta gana mas i un menshon di e dividendonan ku a paga. Tambe e relato mester ta firmá pa direktivo di e entidat.
Areglo di posponementu
A base di e Lei Belasting BES tur órgano tin e obligashon di entregá nan kuenta anual inkluso aneksonan denter di nuebe luna despues di final di e aña ekonómiko.
A base di Lei Belasting BES e Inspektor por duna posponementu di entrega di e kuenta anual inkluso aneksonan, bou di kondishonnan ku e ta stipulá.
Pa hasi petishon di posponementu por hasi uso di e formulario aki.