Hasi deklarashon di opbrengstbelasting
Opbrengstbelasting ta un belasting ku mester deklará. Esei ta enserá ku abo mes ta kalkulá e belasting ku mester paga i ta transferí esaki periódikamente pa belastingdienst. Tambe bo por entregá un formulario di deklarashon online òf un formulario di deklarashon riba papel. Den kaso ku e órgano den un periodo di deklarashon di belasting no a paga rendimentu, bo no tin mester di entregá un deklarashon nihil.
Kon mi ta hasi deklarashon?
Bo por entregá bo deklarashon di opbrengstbelasting online via MijnCN. Esaki no ta solamente mas rápido, pero e chèns pa kometé eror ta bira ménos tambe, komo ku ta kalkulá un parti di e sumanan ku mester entregá outomátikamente.
Aki bo ta lesa tur kos tokante entrega online di bo kuenta anual i deklarashon di opbrengstbelasting. Ta posibel tambe pa entregá un deklarashon riba papel na bali di Belastingdienst. No ta manda e deklarashonnan pa opbrengstbelasting riba papel standart pa medio di pòst, bo por baha esaki aki.
Faktura opbrengstbelasting
Sòru pa kada rendimentu ku e órgano ta deskontá, pa kada krédito òf kada gastu ku tin ku paga, traha un faktura. Bo mester registrá i warda 5 aña konsekutivo kopia di e fakturanan na sekuensia di seri i number di faktura den bo atministrashon.