Pagadó di impuesto pa ekstranhero

Pa loke a optené for di resultado di:

• demanda sigurá pa hipotek riba biennan inmóbil situá na e islanan di Hulanda Karibense.
• otro elemento di e kapital móbil (pero no papel di balor), di kua e resultado ta dependé di:
  • sea e resultado for di un empresa òf profeshon, te mas leu ku ta ehers’é na e islanan di Hulanda Karibense;
  • sea di e kantidat òf e resultado for di kualke produkto, prosediente for di, prosesá òf elaborá na e islanan di Hulanda Karibense;
• empresanan di rùn òf profeshonnan ehersé na e islanan di Hulanda Karibense. Si e aktividatnan ei ta dura ménos ku tres luna siguí, por otorgá dispensashon di impuesto kompleto òf parsial;
• akshonnan òf pruebanan di dividendo, obligashonnan òf demandanan riba un kompania (vennootschap) establesé na e islanan di Hulanda Karibense;
• enahenashon (por ehèmpel benta) di akshonnan ku ta pertenesé na  un interes konsiderabel den, òf pruebanan di ganashi di un kompania (vennootschap) di kua e kapital ta repartí kompletamente òf parsialmente den akshonnan. Ta papia entre otro di un interes konsiderabel si bo ta akshonista pa por lo ménos 5% den un kompania (vennootschap);
• un empleo eksistente òf anterior ku bo mes òf un otro persona a yena komo gerente òf komisario di un entidat situá na e islanan di Hulanda Karibense;
• un funshon pagá pa e gobièrnu insular, mientras ku e aktividatnan a tuma lugá pafó di e islanan di Hulanda Karibense.