Entrada for di pafó di Hulanda Karibense
Si bo ta risibí un entrada for di Hulanda, tambe por papia di kobransa dòbel. Pa medio di e ‘Belastingregeling voor het land Nederland’, (BRN, Areglo di Impuesto pa e pais Hulanda) ta prevení esaki. Akiden ta reglá ki ora por kobra impuesto riba e entrada na Hulanda Karibense i ki ora na Hulanda.
Entrada for di Hulanda
Pa sa kiko ta e konsekuensianan eksakto di bo kobransa di impuesto na Hulanda Karibense, bo mester lesa e areglo aki. Aki bo ta haña e tekstonan integral di e BRN i (Besluit ter voorkoming van dubbele belasting BES) (Desishon prevenshon kobransa dòbel BES).
Paga tinu: Si nos no manda bo un formulario di deklarashon impuesto riba entrada bo mes mester pidi nos pa esei.
Pago AOW for di Hulanda
Komo habitante di Hulanda Karibense bo ta risibí un pago di AOW hulandes? E ora ei e kobransa di impuesto riba bo pago di AOW a base di e BRN ta asigná na Hulanda Karibense.
SVB na Hulanda e ora ei lo no retené un impuesto riba suèldo hulandes riba e pago aki. Abo mester menshoná e pago komo parti di bo entrada mundial den bo deklarashon impuesto riba entrada.
Si SVB no konsiderá bo di ta habitante di Hulanda Karibense sí ta retené impuesto riba suèldo hulandes. Si bo ta di opinion ku esaki a pasa inhustamente bo mester oponé e retenshon serka e Ofisina di Impuesto Belastingdienst/Limburg kantoor Buitenland (ofisina Eksterior; pa mas informashon wak belastingdienst.nl).
Paga tinu!
Den e BRN i e Besluit voorkoming dubbele belasting BES (Desishon prevenshon kobransa dòbel BES) no a inkluí regla pa kobransa di e prima seguro popular i seguro pa empleado. Pa esakinan tin otro areglo (internashonal) na vigor. Pa mas informashon bo por tuma kontakto ku nos.