E traspaso di inmueble situá na Hulanda Karibense i barku registrá na Hulanda Karibense.
Traspaso
Mester interpretá e término 'traspaso' ampliamente. Bou di esaki, por ehèmpel, tambe ta komprondé establesé, libra bo mes di i kanselashon di:
- un usufrukto
- derecho di habitashon
- servidumbrenan
- èrfpagt
- òpstal
- interes riba tera
Suheto na impuesto di traspaso
Suheto ta e traspaso di inmueble situá na Hulanda Karibense i barku registrá na Hulanda Karibense.
Balor pa e impuesto di traspaso
Mester paga impuesto di traspaso riba e balor riba e merkado ekonómiko.
E balor ei ta por lo ménos igual na e kontraprestashon. Esei ta enserá ku un benta kontra un preis muchu abou, por ehèmpel na famia, no tin komo konsekuensha ku tambe debe impuesto di traspaso riba e preis abou ei. Ta debe impuesto di traspaso riba un preis komersial manera lo a realisá entre kualke tersera partida.