Impuesto di importashon ta un impuesto ku bo mester paga ora di importashon di merkansia. Esaki por konsistí di Impuesto general di konsumo (ABB) òf akseins.
Impuestonan di importashon ora di importashon di merkansia na Hulanda Karibense
Derecho di importashon
A fiha e tarifa na derecho di importashon ku bo mester paga pa tur merkansia na nulo (0%). Pues bo no ta paga derecho di importashon.
Impuesto general di konsumo (ABB)
Ku eksepshon di algun, e tarifa na ABB ku bo mester paga pa tur merkansia ta:
- na Boneiru: 8%;
- na Saba i Sint Eustatius: 6%.
Algun eksepshon ta:
- E tarifa di ABB pa outo di famia na Boneiru ta suma 25%. Pa Sint Eustatius i Saba un tarifa progresivo ta na vigor. Wak e tabèl di tarifa den Belastingwet BES (Lei di Impuesto BES) artíkulo 6.19a.
- E tarifa di ABB pa outo di famia ta suma 25%.
E tarifa di ABB pa outo di famia sin emishon di CO2 (eléktriko) ta suma 0%. E definishon di outo di famia ta inkorporá den artíkulo 6.1 lèter f di e Belastingwet BES (Lei di Impuesto BES)
ABB òf akseins
ABB
Ta kobra e ABB riba e balor di duana di e merkansia. Papiando hopi en general, e balor di duana ta e preis di e merkansia (balor di kompra), plùs karga i gastu di seguro te ku e promé lugá di entrada na e isla di importashon. Ora importá merkansia suheto na akseins, tambe ta inkluí e suma di akseins den e balor di duana.
Konsultá e Douane- en accijnswet BES (Lei di Duana i Akseins BES) (kapítulo 3) i e Belastingwet BES (Lei di Impuesto BES) (artíkulo 6.18) si bo ke sa tur kos tokante determinashon di e balor di duana i e komponentenan ku pa e kobransa di e ABB mester ta inkluí den e balor di duana.
Paga tinu!
Ora di paga ABB riba merkansia ku un biahero a trese, inklushon di gastu di karga i seguro no ta aplikabel.
Akseins
E tarifa ku bo mester paga na akseins ta varia pa tipo di produkto suheto na akseins. Ta kobra e akseins riba e kantidat di produkto suheto na akseins ku bo ta importá. Kiko produkto suheto na akseins ta, i un bista general di tarifa di akseins bo ta haña aki.
Paga tinu:
Na Boneiru bo ta paga akseins ora di importá tur produkto suheto na akseins.
Na Saba i Sint Eustatius solamente bo ta paga akseins ora di importá gasolin. Ora di importá sigaria, destilá i produkto semehante pues bo no ta paga akseins na e islanan aki.