Sèn i papel di balor

Hiba USD 10.000 òf mas na sèn i papel di balor

Bo ta hiba USD 10.000 òf mas ora di drenta òf sali na Hulanda Karibense? E ora ei bo mester hasi deklarashon serka Duana. No ta importá si ta sèn bo ta hiba òf otro papel di balor. Ta bo deber pa hasi notifikashon. Bo no mester paga impuesto.

Bo mester hasi deklarashon tambe si abo no ta e doño, pero bo ta transportá sèn pa un otro hende.

Balor di sèn den moneda stranhero mester kalkulá na USD.

Hasi deklarashon

Bo por hasi deklarashon ku e formulario di deklarashon. Riba esaki, e datonan ku bo mester yena ta indiká.

Bo por haña e formulario aki serka Duana na aeropuerto òf den haf. Bo ta yena e formulario i despues entreg’é serka Duana.

Bo mester hasi deklarashon tambe ora bo por proba ku bo ta biaha ku kompañeronan di biahe i konhuntamente boso ta hiba sèn na balor di USD 10.000 òf mas huntu ku boso.

Si bo no hasi deklarashon òf hasi un deklarashon inkompleto òf inkorekto, bo ta riska un but i/òf un kastigu di prizòn.