Remedi (pa biahero)
Mester prevení ku remedi ku ta hasi daño na salú di bini riba merkado. Si nan ta seif pa usa ta registrá nan i ta pèrmití pa importá nan. Un di e tareanan di Duana ta pa pèrkurá ku ta importá solamente remedi aprobá.
Bo por hiba solamente (un kantidat real di) remedi pa bo propio uso. Tin bia nos ta pidi un prueba ku e remedinan ta pa bo mes (òf pa bo yunan). Un pasaporte médiko ta un prueba asina. Bo por haña un pasaporte médiko serka bo dòkter òf na botika.
Bo no por laga importá remedi, por ehèmpel despues di bo pedido riba internet. Duana ta konfiská e remedinan ei, a ménos ku bo por mustra e pèrmitnan pa importashon korekto ora di importashon.
Bo remedi ta kai bou di e Lei di Opio? E ora ei bo tin mester di un deklarashon ofisial. Informá serka bo dòkter òf serka e outoridatnan den e pais di salida.
Na hopi pais remedi fuerte kontra doló, remedi pa drumi i kalmante òf otro remedi ta kai bou di e droganan.
Informá adelantá si bo por hiba un remedi. Por ehèmpel na embahada di e pais unda bo ta biaha bai.