Pakiko mi mester paga?
Si bo bini ku mas merkansia ku bo por importá ku dispensashon di ABB, bo mester paga ABB (Algemene Bestedingsbelasting, Impuesto General di Konsumo). E ABB ta suma:
- 6% ora di importashon na Saba òf Sint Eustatius
- 8% ora di importashon na Boneiru
Ta imponé e ABB riba e balor di duana di e merkansia. E balor di duana ta e preis pa kua bo a kumpra e merkansia. Bo ta proba e preis aki ku e faktura di kompra. Si bo no tin faktura, por ehèmpel pasobra bo a haña e merkansia komo regalo, e ora ei e ofisial di duana, den konsulta ku bo, lo determiná e balor. Pasobra e ora ei tambe bo mester paga ABB.
Ora bo ta bini ku mas merkansia suheto na akseins ku por importá ku dispensashon, fuera di e ABB tambe lo bo mester paga akseins. Esaki ta konta únikamente pa importashon na Boneiru. Wak pa esaki e bista general akseins.