Eksonerashon pa biahero
E eksonerashon ta konta solamente pa merkansia ku ta destiná pa bo uso personal. Pues e eksonerashon no ta konta pa merkansia komersial òf merkansia ku un karakter aparente di komèrsio. E eksonerashon ta konta pa merkansia ku a optené pafó di e isla di entrada.
Ta trata di tur merkansia, ku eksepshon di produkto alkohóliko, tabako i produkto di tabako.
- Eksonerashon di ABB te ku un balor máksimo di USD 500,- pa persona
- Pa persona bou di 15 aña e eksonerashon ta limitá te ku USD 150,-pa persona
E eksonerashon ta konta pa merkansia te ku e balor menshoná aki riba. Si no por separá un merkansia i e tin un balor mas haltu, pa esei no ta konta un eksonerashon.
Ehèmpel: bo a kumpra un kámara pa saka potrèt den eksterior. E preis tabata USD 520,-. E ora ei bo ta debe 8% na ABB riba henter e suma (Boneiru) òf 6% (Sint Eustatius, Saba).
Produktonan alkohóliko, tabako i produkto di tabako
Eksonerashon di ABB i akseins te ku un máksimo di:
- 200 sigaria òf
- 50 cigarillo (ku kada un no ta pisa mas ku 3 gram) òf
- 25 sigá òf
- 125 gramo di tabaku di foya plùs
- 1 liter di bibida destilá òf bibida alkohóliko ku un porsentahe di alkohòl di mas ku 22% vol. òf
- 1 liter di bibida destilá òf bibida alkohóliko, o sea biña spumante òf biña di likor, ku un porsentahe di alkohòl di 22% vol. òf ménos
- plùs 2 liter di biña no-spumante
- plùs 8 liter di serbes
Paga tinu: E eksonerashon pa tabako i produkto di tabako ta konta únikamente pa personanan for di 17 aña pariba. E eksonerashon pa bibidanan destilá etc ta konta únikamente pa personanan for di 18 aña pariba.
Pa miembronan di personal di avion i barku ku ta usa den tráfiko pa eksterior ta konta e eksonerashon pa produktonan alkohóliko, tabako i produktonan di tabako te ku mitar di e kantidatnan menshoná.
E eksonerashon di akseins ta únikamente efektivo na Boneiru. Pasobra fuera di gasolin no ta kobra akseins na Saba i Sint Eustatius.