Bestia di kas

Biaha ku un bestia di kas

Si bo ta bai biaha ku un bestia di kas tin algun asuntu ku bo tin ku kòrda:

• Regla bakuna i dokumento di biahe pa e bestia na ora.
• Bo mester ta doño di e bestia di kas, òf un akompañante outorisá pa e doño.
• Bestia di kas manera p.e. kachó i pushi mester tin un deklarashon di salú bálido, firmá pa un veterinario ofisial òf akreditá pa esaki i,  dependé di nan edat, bakunashon kontra rabia.
• Importashon na i tránsito den e entidatnan públiko Boneiru, Sint Eustatius òf Saba di makaku, kachó i pushi, tambe famia di kachó i famia di pushi prosedente di un di e paisnan di e tera firme di Suramérika òf Sentroamérika, ku eksepshon di Sürnam, ta prohibí.
• E prohibishon referí n’é aki riba no ta konta den kaso ku ta trata di importashon di bestia di kas di un hende ku efektivamente ta establesé su mes na e entidatnan públiko Boneiru, Sint Eustatius òf Saba i ku ta doño di e bestianan aki ya pa kuater luna òf mas.

Espesie di bestia protehá

Bo ta bai hiba un animal protehá huntu ku bo? E ora ei bo mester tin un dokumento CITES. Informá serka bo veterinario òf serka e outoridatnan den e pais di salida. Nan sa si un animal ta protehá.

Malesa di bestia den eksterior

Ta posibel ku na bo destinashon di fakansi ta reina un malesa di bestia kontagioso. Gérmen patógeno por left bai huntu ku un bestia di kas ku bo ta bai kuné òf ku bo ekipahe. Tene kuidou ku kontakto direkto ku bestia den eksterior.

Mas informashon

Biaha ku bestia di kas? Buska pa informá bo mes bon promé serka bo agensia di biahe, e embahada di e pais di destinashon i klaro bo veterinario tambe.