Hasi deklarashon di algemene bestedingsbelasting

Kon mi ta hasi deklarashon?

Bo por entregá bo deklarashonnan di algemene bestedingsbeslasting online. Esaki no solamente ta mas lihé sino e chèns pa eror ta bira mas chikí tambe pasobra ta kalkulá un parti di e sumanan ku mester transferí òf risibí, outomátikamente.

Aki bo ta lesa tur kos tokante entrega online di bo deklarashonnan di algemene bestedingsbelasting.

Manual algemene bestedingsbelasting

Eksaktamente kon hasimentu di deklarashon i pagamentu ta tuma lugá pa loke ta kontenido, kua último fechanan ta konta i kiko ta konsekuensianan di hasi deklarashon lat, bo por lesa den e Manual algemene bestedingsbelasting. Bo ta risibí e Manual aki ora registrá bo komo pagadó di e ABB.

Plaso di deklarashon

E plaso riba kua mester hasi deklarashon i hasi pago por varia. Esei por ta un luna kalendario, un kuartal kalendario, mitar aña òf un aña.

Belastingdienst Caribisch Nederland a skohe, ora di introdukshon di e sistema fiskal nobo pa BES na 1-1-2011, pa entregá deklarashon pa e ABB pa kuartal. Pues bo no tin nodi di hasi deklarashon kada luna, sino por hasi deklarashon di ABB 1 bia pa kuartal. Ta posibel sí pa hasi pago mensual. E ora ei bo ta paga adelantá pa un deklarashon ku bo mester entregá ainda. Esei por ta hèndi ora bo mester paga montantenan mas grandi i bo ta ferwagt problema ku likides si bo warda te fin di e kuartal.

Obligashon di paga impuesto

Ora bo risibí un formulario di deklarashon, bo tin e obligashon pa hasi deklarashon tambe. Tambe si bo ta di opinion ku bo no tin obligashon di paga e ABB. Den un kaso asina, mèldu na Belastingdienst i indiká dikon bo ta di opinion ku bo no tin obligashon di paga e impuesto. Si resultá ku a inkorporá bo komo pagadó di impuesto sin rason, lo adaptá esaki. Bo mes tambe fásilmente por hasi deklarashon di ABB online.

Formulario di deklarashon

En prinsipio bo ta risibí un formulario di deklarashon serka Belastingdienst. Pero por sosodé ku bo no ta konosí ainda na Belastingdienst, ma ku bo mester hasi deklarashon pa ABB sí. E ora ei bo mes mester tuma e inisiativa. E forma mas fásil pa bo hasi esei ta pa mèldu bo mes na Belastingdienst i pidi e formularionan di deklarashon.

Dispensashon di e ABB

Tin bia bo por bini na remarke pa dispensashon di e ABB. Bo tin derecho riba dispensashon di e ABB ora bo ta kumpli ku e siguiente tres kondishonnan:

• Bo tin un kompania di un persona òf e kompania ta un akuerdo di kooperashon di personanan natural, manera un sosiedat, un sosiedat kolektivo òf un firma di hòmber/muhé i bo ta stablesé na e islanan BES, i
• Bo volúmen di benta pa aña kalendario ta suma (eksklusivo ABB) ménos ku USD 20.000, i
• Bo ta kumpli ku bo debernan atministrativo pa e ABB.

Bo no tin nodi di hasi deklarashon pa e ABB periódikamente e ora ei, pero sí spesifiká bo volúmen di benta periódikamente (esei ta 1 x pa aña). Riba petishon, e Belastingdienst ta entregá un deklarashon anual. Den e kaso ei bo mester hasi e deklarashon anual i no un spesifikashon periódiko.

Pa bini na remarke pa dispensashon di debernan atministrativo bo mester entregá un petishon por eskrito na Belastingdienst. Download e formulario pa petishon di dispensashon aki. Despues di un evaluashon bo ta risibí un desishon den kua ta partisipá bo si bo ta bini na remarke pa dispensashon di ABB, sí òf nò.