Empresario pa ABB

Pa e ABB bo ta un empresario ora independientemente bo ta rùn un empresa òf ehersé un profeshon riba e islanan BES, pero tambe ora bo ta eksplotá un parti di bo kapital (por ehèmpel un propiedat inmóbil) pa saka ganashi pa un temporada largu.

Forma hurídiko

Pa e ABB no ta importá den kua forma hurídiko bo ta rùn bo empresa òf ehersé bo profeshon. Un fundashon òf asosiashon tambe por ta empresario pa e ABB. Es desir, pa e ABB no ta importante si bo ta aspirá pa saka ganashi, sí òf nò.