Q&A di adaptashon di sistema di impuesto Hulanda Karibense - Prinsjesdag 2024

• Gabinete kier hasi e sistema fiskal di Hulanda Karibense mas simpel i laga esaki konektá mihó ku e sistema hulandes. 

• Personanan ku ta gana suèldu mínimo, entrante 2025 lo no tin mester di paga inkomstenbelasting mas. Esaki ta garantisá ku nèto nan ta sobra mas. Pa realisá esaki, ta mara e suma liber di impuesto na e suèldu mínimo legal na Hulanda Karibense.

• Gabinete ta proponé pa redusí entrante promé di yanüari 2025 e suma di entrada di e di dos grupo di belasting di USD 322.769 na USD 50.000. Ku esaki habitantenan ku den den 2025 ta gana minimal USD 70.728 ta kai den e di dos grupo. Nan ta paga e ora ei un tarifa fiskal mas haltu riba e entrada taksabel ku surpasá USD 70.728. Ku e proposishon akí gabinete kier repartí e inkomstenbelasting mas hustu i kobra e entradanan mas haltu mas belasting.

Gabinete ta proponé algun kambio ku lo afektá empresarionan:

• Ta oumentá entrante 2025 e tarifa fiskal redusí riba biennan inmóbil pa hotèl di 10% na 11%.
• E tarifa pa opbrengstbelasting i `aanmerkelijk belang’ ta subi di 5% pa 7,5%. Esaki ta garantisá ku empresarionan ku un kompania privá (BV) lo paga mas belasting riba nan ganashi, ku kua ta trese e tarifa fiskal mas serka di e nivel hulandes i internashonal.
• Entrante 2026 ta ahustá anualmente e límite pa e areglo pa empresario chikitu (KOR) na inflashon.

• E areglo pa empresario chikitu (KOR) ta brinda bentahanan fiskal na empresarionan chikitu ku un volúmen di benta limitá. Entrante 2026 gabinete kier ahustá e KOR anualmente na inflashon, di manera ku empresarionan chikitu, asta ora nan volúmen di benta subi pa motibu di inflashon, ta keda bin na remarke pa e areglo akí.

• Gabinete ta proponé pa introdusí entrante promé di yanüari 2025 un obligashon di identifikashon pa empleado. Empresarionan mester pidi e ora ei un kopia di e dokumento di identifikashon di e empleado. I warda e kopia aki huntu ku e atministrashon di suèldu. Ku esaki gabinete kier prevení ku empleadonan ta traha pretu. I evitá ku pa e motibu akí dunadó di trabou i empleado no ta paga belasting.

• E plannan ta parti di e Plan Fiskal 2025 i ta ser tratá den e proposishon di lei Plan Fiskal Islanan BES 2025. Ainda mester di aprobashon di Tweede i Eerste Kamer, promé ku por introdusí e reformanan akí. Ta ferwagt e votashon al respekto den novèmber i desèmber 2024.