Belastingdienst Caribisch Nederland (BCN) a tuma nota di e tardansa den entrega di pòst na Saba durante e lunanan tras di lomba. Pa motibu di esaki, algun siudadano posiblemente tabatin ménos tempu pa reakshoná riba un rekordatorio di pago òf pa drenta un areglo di pago.
Pa tene kuenta ku e situashon aki, BCN ta duna un periodo di grasia di dos (2) luna. E periodo ta kore di promé di sèptèmber te ku 31 di òktober 2026.
Pa ken e periodo di grasia ta aplikabel?
E periodo ta apliká pa tur persona ku tin un debe di ‘belasting’ na Saba ku a risibí un rekordatorio di pago ku fecha entre yanüari i yüli 2026. Pa e grupo di personanan ku tin debe di ‘belasting’, ta anulá e gastunan di USD 8.00 pa e rekordatorio di pago outomátikamente. Bo no tin ku hasi un petishon pa esaki.
E debe di ‘belasting’ ku ainda ta pendiente mester ta pagá pa mas tardá 31 di òktober 2026. Despues di e fecha aki, BCN lo bolbe na e proseso regular di kobransa pa tur suma ku ainda ta pendiente.
Pregunta?
Bo tin pregunta tokante e periodo di grasia aki? Tuma kontakto via +599 416 3941/42.