For di djárason 18 di mart, tur hende por entregá nan deklarashon di Inkomstenbelasting 2025. Por entregá deklarashon di Inkomstenbelasting 2025 tantu riba papel komo ònlain. Pa algun aña kaba, Belastingdienst Caribisch Nederland ta ofresé partikularnan i empresanan e posibilidat pa entregá nan deklarashon di Inkomstenbelasting ònlain tambe. Si ta skohe pa hasi deklarashon ònlain, por hasi uso di esaki for di awor. Si bo ta preferá pa hasi e deklarashon riba papel, esaki ta posibel entrante di 18 di mart 2026.
Entregá deklarashon Inkomstenbelasting 2025
Den e último siman di febrüari, Belastingdienst CN a kuminsá manda e invitashonnan pa entrega di e deklarashon. Lo manda esakinan tantu via pòst komo den bo pòstbùs digital (berichtenboxcn). Ta posibel atrobe pa entregá bo Inkomstenbelasting 2025 via www.MijnCN.nl.
E bentaha di deklarashon ònlain ta ku e ta mas rápido i fásil. Den mayoria kaso, bo ta mira dirèkt kuantu sèn bo ta haña bèk òf mester paga. Ademas, bo ta risibí un konfirmashon digital manera ku bo kaba di entregá bo deklarashon.
Ultimo fecha i periodo di prosesamentu
Mester entregá e deklarashon di Inkomstenbelasting 2025 pa mas tardá 18 di mei 2026. Belastingdienst CN tin un tempu di prosesamentu te ku novèmber pa deklarashonnan ku a entregá na tempu. Mas tempran entregá e deklarashon, mas tempran por atendé esaki. Den kasonan kaminda mester di informashon adishonal, e prosesamentu por tuma mas tempu.
Belastingdienst Caribisch Nederland ta stimulá tur hende pa entregá e deklarashon di Inkomstenbelasting 2025. Hasi esaki na tempu: pa mas tardá djaluna 18 di mei.