Den e temporada festivo relashoná ku Dia di Rincon, Duana Hulanda Karibense lo ta mas visibel i ta intensivá kontròlnan tantu na haf komo na èrpòrt di Boneiru. Asina ei huntu nos ta garantisá un desaroyo sigur i sin kontratempu di e periodo drùk aki.
Imágen: © BCN
Bo ta bini Boneiru? Tene kuenta ku lo siguiente:
Haf:
-
Obligashon di raportá máksimo 24 ora promé ku yegada
-
Na momentu ku tin transporte kontra pago òf transporte di merkansia ta obligatorio pa hasi ‘in- uitklaring’ ku ‘manifest’ via di e sistema di ‘Asycuda’.
-
Mester deklará merkansia via un agente di duana den e sistema di ‘Asycuda’
-
Botonan di rekreashon mester raportá via ‘Regional Clearance System’ (RCS) i/òf ‘SailClear’
Èrpòrt:
Merkansia personal:
-
Te ku USD 1.500 riba kua mester paga ABB, por hasi deklarashon ferbal i paga mesora
-
Si e balor ta mas haltu ku USD 1.500, deklarashon via un agente di duana ta obligatorio
Merkansia komersial:
-
Te ku USD 1.000 riba kua mester paga ABB, bo por hasi deklarashon ferbal i paga mesora
-
Si e balor ta mas haltu ku USD 1.000, deklarashon via un agente di duana ta obligatorio
Duana Hulanda Karibense ta hasi un apelashon na tur hende pa regla e asuntunan aki bon pa evitá retraso i pa garantisá siguridat.