Prosesamentu deklarashon inkomstenbelasting
Si bo a entregá bo deklarashon promé ku 15 di mei, nos ta sòru pa prosesá e deklarashon di mas tarda promé di novèmber. Si bo tin derechi riba sèn bèk lo bo risibí esaki.
Nos ta stimulá pa yena deklarashon (ònlain) na tempu pa asina nos por prosesá esaki rápido i minusioso. Ta prosesá bo deklarashon a base di sekuensia di e tempu di entrega. Pues si bo entregá bo deklarashon rápido, bo ta haña un aanslag mas promé. Si bo entregá bo deklarashon mas lat, por dura mas largu promé ku bo haña un aanslag. Tene kuenta ku por dura mas largu tambe den kaso ku e deklarashon ta komplehá òf si e ta generá pregunta. Den kaso ku e ta generá pregunta nos ta tuma kontakto ku bo.
Nos ta hasi un súplika pa no tuma kontakto ku Belastingdienst CN tokante e fecha ku lo prosesá bo deklarashon. Esaki lo no aselerá e proseso pa imponé e aanslag.