Entrega di e deklarashon di IB 2022: posponementu outomátiko te ku 17 di yüli 2023
Gustosamente BelastingdienstCN ta informá tokante e kambio relashoná ku posponementu di entrega di e deklarashon di IB 2022.
E fecha di mas tarda pa entregá e deklarashon di inkomstenbelasting 2022 ta 15 di mei 2023. Al kontrario di loke a komuniká anteriormente, outomátikamente bo ta risibí posponementu te ku 17 di yüli 2023. Pa esaki bo no mester tuma niun akshon. Si bo ta ferwagt di haña sèn bèk, e ora ei por fabor entregá bo deklarashon promé ku 15 di mei, pa asina atendé e deklarashon pa mas tardá, òktober.