A posponé entrega di verzamelloonstaat 2022
E último fecha pa entregá verzamelloonstaat 2022 tabata 28 di febrüari 2023. Mirando e kantidat di pregunta i petishon ku Belastingdienst a risibí, a disidí pa prolongá e fecha di entrega. P’esei outomátikamente bo ta haña suspenshon te 1 di mei 2023.
E ‘2 Factor Authenticatie’
For di 7 di novèmber 2022 kompania- i organisashonnan por yena e verzamelloonstaat (VZLS) via e plataforma MijnCN. Komo ku usuarionan por firma asuntunan gubernamental ku nan kuenta di MijnCN, MijnCN ta duna hopi balor na siguridat. P’esei ta nesesario pa kada usuario aktivá e asina yamá ‘2-Factor Authenticatie’ den su kuenta di MijnCN. Usuarionan ku ya a aktivá e ‘2-Factor Authenticatie’ pa Asuntunan Sosial i Empleo (SZW) kaba, nan no mester hasi esaki atrobe pa asuntunan di BelastingdienstCN. Wak pa mas informashon tokante òf ayudo ku aktivashon di ‘2-Factor Authenticatie’ di bo kuenta di MijnCN riba www.mijncn.nl/inloggen.
Apoderashon
Si bo tin un apoderado kaba pa hasi deklarashon di ABB, LH i loonderving (SZW) online, bo mester apoderá un persona separá pa e verzamelloonstaat.
Pa mas informashon tokante entrega di e verzamelloonstaat por wak riba https://papiamentu.mijncn.nl/mijncn-departamentunan/belastingdienst-caribisch-nederland/loonheffing-verzamelloonstaat
MijnCN: fásil, seif i rápido